Bloggfærslur mánaðarins, september 2008

Gúrkutíð í glamúrinu

Það er virkileg gúrkutíð í dægurmáladálkum dagblaðanna í dag. T.d. segja bæði DV og 24 stundir frá veikindum rokkarans á heimilinu. Ég veit ekki, kannski er þetta frétt, kannski ekki. Jú, jú látum það liggja á milli hluta. Rokkarinn sleppur þá við að svara símtölum þar sem honum eru boðin hin og þessu ,,gigg" næstu vikur, þjóðin veit að hann þarf hvíld.

 

dillpikkles

 

Hins vegar var önnur ,,frétt" í hinu virta tímariti Séð og heyrt sem ég held að fólk geti vel lifað án þess að lesa. Við, litla fjölskyldan, fórum og versluðum í matinn í Nettó og komum svo við í Toy´s r us í bakaleiðinni.

Ja hérna hér, við erum alveg ótrúleg! Það sem við tökum okkur fyrir hendur, ji minn eini. 


Hjúkk...

...minn banki stendur sig...ennþá.


mbl.is „Staða Kaupþings sterk"
Tilkynna um óviðeigandi tengingu við frétt

Átak gegn virkjun

Í þetta sinn tek ég þátt.

Það var sumarið 2006 sem litla fjölskyldan hélt af stað úr Skerjafirði og lagði, eins og svo oft áður, land undir fót. Ferðinni var heitið í Bárðardalinn. Ég var mjög spennt fyrir ferðinni enda hafði ég aldrei komið á þennan stað áður. En mikið hafði ég heyrt og margar sögurnar sem amma Magga sagði mér enn ferskar í minni. Nú skyldi stórfjölskyldan fá að eyða einni helgi þar sem amma ólst upp, í Stóru-Tungu í Bárðardal.

fossinn

Ferðalagið gekk vel og á móti okkur tók þessi langi og fallegi dalur sem á tímabili virtist endalaus, svo mikil var tilhlökkunin. Við hittum loks fólkið okkar og komum okkur fyrir í þessu yndislega umhverfi.

 

 Á laugardeginum fór hersingin af stað. Aldeyjarfoss beið okkar og ég vissi í raun ekkert hvað ég var að fara út í. Við gengum í þó nokkurn tíma í dásamlegri sumarblíðu og steikjandi hita. Ég varðVið mæðgurnar við Aldeyjarfoss ekki fyrir vonbrigðum, þvert á móti, fossinn og stuðlabergið í kring hreif mig á svipstundu. Við eyddum deginum í leik og göngu um svæðið og upplifunin var ævintýri líkust.

 

Fjölskyldan

 

Eftir þessa ferð vissi ég enn betur hvað amma Magga var að tala um. Hún var alls ekkert að ýkja.

 

Aldeyjarfoss er ein af okkar fegurstu perlum og það er okkar skylda að vernda þennan sameiginlega fjársjóð. www.skjalfandafljot.is

 

 

 


mbl.is Krafturinn í fórum þjóðarinnar
Tilkynna um óviðeigandi tengingu við frétt

Kom þá þú vilt

Hér fyrir norðan klæðast fjöllin nú hvítum fötum, ekki alveg til táar þó, en frá toppi og vel niður hlíðar.

Mér finnst veturinn hafa einhvern notalegan blæ yfir sér. Nú fer maður að kveikja á kertum og kúra með sínum nánustu á köldum og dimmum vetrarkvöldum. Samviskubitið yfir því að húka heima hverfur. Við taka göngutúrar í frosti og snjó þar sem marrar undan fótum manns, sundferðir þar sem maður getur átt von á slyddu, snjókomu eða hagléli á hverri stundu, sleðaferðir með einkasyninum, eintóm gleði og hamingja.

Eina sem ég kvíði er að komast leiðar minnar akandi hér á Akureyri. Mokstursmálin í bænum eru ekki til fyrirmyndar og það getur verið taugastrekkjandi að aka um á glerhálum vegi með einkasoninn í aftursætinu. Tölurnar segja líka sitt, það er ekki að ástæðulausu sem fjöldi umferðaslysa er mestur hér norðan heiða yfir vetrartímann. Hver veit, kannski verður þessum málum kippt í lag fyrir veturinn, maður getur alltaf vonað og verið bjartsýnn...

Kom þá þú vilt vetur konungur - því þá styttist líka þægilega mikið í jólin... 


mbl.is Snjór og hálka
Tilkynna um óviðeigandi tengingu við frétt

Höfundur

Eyrún Huld Haraldsdóttir
Eyrún Huld Haraldsdóttir
Kona, dóttir, systir, frænka, vinkona og móðir. Ættuð af Fjöllunum í annan legginn og Skaganum í hinn. B.A.próf í íslensku - kennari í framhaldsskóla.

Mars 2024

S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband