Bloggfærslur mánaðarins, mars 2009

Brrrr...

Ég fékk kjánahroll við að hlusta á örstutt brot úr ræðu Davíðs í dag.

Mikið er nú skemmtilegt hvernig hann talar um fólkið sem vinnur hörðum höndum við að reyna að bjarga okkur upp úr mesta skítnum. Mikið er gaman að hann virðist hafa gleymt hverjir komu okkur í skítinn. Mikið er gaman að hann geri sér fulla grein fyrir sinni þáttöku í hruninu mikla. Mikið er nú gaman hvernig fullur salur Sjálfstæðismanna var sem dáleiddur, gleymdi öllu öðru og saug inn hvert einasta hrokafulla orð sem herrann sjálfur lét út úr sér. Mikið var þetta allt saman hlægilegt. Og kjánalegt. Brrr...kjánahrollur.

Höldum endilega áfram með krossfestingar af þessu tagi.


Æ nei

...þá á ég bara tvo mánuði eftir af æsku minni...svo byrja ég að eldast, gleyma og hrörna Woundering

Viðbót: fréttin hefur dottið út eða ekki tengst. Vísindamenn hafa sem sagt komist að því að fólk byrjar að hrörna og eldast andlega eftir 27 ára aldurinn...


Já er það ekki?

Jahérna hér... Hvað er í gangi? Er Árni Johnsen nú virkilega einn af þeim sem við þurfum til að byggja upp nýtt þjóðfélag á traustum og hreinum grunni.

Ég á ekki orð.


mbl.is Árni kominn í annað sætið
Tilkynna um óviðeigandi tengingu við frétt

Munaði mjóu

...við tökum þá næsta vetur  Wink

Er ekki silfrið örugglega ennþá nýja gullið?


mbl.is Kópavogur vann Útsvarið
Tilkynna um óviðeigandi tengingu við frétt

Útsvar

Ég á víst ógreitt útsvar samkvæmt nýju skattaskýrslunni minni en ég ætla hins vegar ekki að ræða um það...heldur Útsvar, spurningakeppnini á RÚV.

Mínir menn etja kappi við Kópavogsbúa í kvöld í úrslitaviðureigninni. Héraðsmenn hafa frábært lið í alla staði, þau eru klár, fyndin og hafa gaman af þessu. Hins vegar eru keppinautarnir ekki eins glaðlegir. Grafalvarlegir Kópavogsbúar, fyrrum Gettu betur keppendur, lögfræðinemar í jakkafötum sem virðast vera að spila upp á líf og dauða... Þetta verður áhugaverð keppni - eitt skemmtilegasta liðið á móti því alvarlegasta! 

Gangi okkur vel Héraðsmenn! Wink Lengi lifi The Shire!

 hera.jpg


Vefarinn...

...mikli frá Kasmír er eftir allt ekki svo óspennandi bók.

vefarinn_809431.jpg

Ég man eiginlega ekki eftir að hafa lesið hana í menntaskóla, held reyndar að ég hafi oftast sofið með hana á andlitinu í stað þess að rýna í þá merku speki sem Nóbelskáldið setti á blað.

Nú eru nokkrir nemenda minna að lesa söguna og því ákvað ég að leggja í hana á ný. Ég sé ekki eftir því. Sagan er vissulega langdregin á köflum og ég skil það vel að ungu fólki þyki hún strembin. Á stundum virðist sem enginn sé söguþráðurinn, ótengdar myndir, hugsanir, trú og heimspeki flæða um án nokkurrar stefnu. Þarna eru hugrenningar áttavilts pilts sem flögrar úr einni fílósófíunni í aðra eins og blindur andarungi. Steinn Elliði leitar sjálfsins og lesandinn er ferðafélagi hans í áður ókunnum heimum.

Það að finnast sagan áhugaverð og jafnvel góð er kannski þroskamerki. Ég er kannski, eftir allt saman, enginn unglingur lengur Blush


Jú tú

Kreppa eða ekki kreppa...nú skulum við gömlu skella okkur á U2 tónleika í sumar.

Langþráður daumur. Maður veit aldrei hvenær það verður of seint... Grípum gæsina í þetta skipti.

Jæja, þá er ég búin að sannfæra mig Wink

u2finnc.jpg


mbl.is U2 mun rokka í Evrópu
Tilkynna um óviðeigandi tengingu við frétt

Áróður

Svo mörg voru smáskilaboðin sem mér bárust frá frambjóðendum Samfylkingar hér í Norðaustur-kjördæmi um helgina að ég steingleymdi að taka þátt í prófkjörinu sjálfu. Svona getur áróðurinn haft öfug áhrif...

Fyrirgefum vorum skuldunautum

Mikið er þriðjungur íslensku þjóðarinnar skilningsríkur og umburðalyndur.

Ég veit ekki hvort það er eins gott og það hljómar FootinMouth


mbl.is Sjálfstæðisflokkur með mest fylgi
Tilkynna um óviðeigandi tengingu við frétt

Höfundur

Eyrún Huld Haraldsdóttir
Eyrún Huld Haraldsdóttir
Kona, dóttir, systir, frænka, vinkona og móðir. Ættuð af Fjöllunum í annan legginn og Skaganum í hinn. B.A.próf í íslensku - kennari í framhaldsskóla.

Mars 2024

S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband