Marinóshlaupið

...já það voru stoltir foreldrar sem komu úr viðtali á leikskólanum í gær. Það kom okkur svo sem ekkert á óvart, við erum vissulega þakklát fyrir að eiga þennan litla gullmola.

Það sem stendur hins vegar upp úr og kom okkur á óvart voru fréttir af hinu svokallaða Marinóshlaupi. Keppnin sú er orðin fræg innan leikskólans og jafnvel víðar. Sagan að baki er sú að sonurinn hefur óbilandi bíladellu og hleypur gjarnan á fullum hraða og keyrir um leið tvo bíla, einn í hvorri hönd. Leikskólakennarinn tjáði okkur að það hafi margir krakkar reynt að feta í þessi spor Marinós, en fáum eða engum tekist vel til. Starfsmenn hafa einnig reynt við íþróttina og er gjarnan keppt í henni í ,,staffapartýum", en þar er sömu sögu að segja, það liggur við að fólk slasi sig svo mikill er hasarinn. Marinóshlaupið er því klárlega kennt við rétta manninn

 

 

Athugasemdir

[Gunna (IP-tala skráð) 22.11.2008 kl. 21:30]

hehe litli snillingurinn :)

Það er nú líka alveg ótrúlegt að sjá hann framkvæma þetta "hlaup" sitt.  Það verður spennandi að sjá hann gera þetta á fullorðinsaldri ;););) hehe

[Védís (IP-tala skráð) 24.11.2008 kl. 10:24]

Flottur strákur, væri sjálfsagt gaman að sjá leikskólakennarana reyna við þetta.

[Haraldur Bjarnason, 26.11.2008 kl. 08:07]

Hef reynt þetta hlaup með honum og það er ekki auðvelt.