Bónus býður betur

Síðustu daga hef ég fengið áróðurspósta í tonnatali þess efnis að ég eigi að hunsa Bónus - ég hunsa þessa pósta. Mig munar um peningana. Vissulega búum við hér fyrir norðan við betra úrval, hér eru jú Hagkaup og Nettó. En á mínum heimaslóðum, Egilsstöðum, verður fólk að velja milli Kaupfélagsins og Bónus. Vissulega verslar maður á báðum stöðum en ég verð að viðurkenna að stórinnkaup geri ég í Bónus og versla svo það sem á vantar í KHB.

Á þessum síðustu og verstu tímum hefur maður ekki efni á því að útiloka þá sem bjóða lægsta verðið. Glæpamenn eða ekki glæpamenn, ég veit vel að Bónus er engin góðgerðastofnun en verðið talar sínu máli, hér er brot úr verðkönnun sem var gerð á Akureyri nýlega:

Vöruflokkar	Bónus	Nettó	Samkaup Úrval	Hagkaup	Samkaup Strax	10-11	Hæsta verð	Lægsta verð
Nýmjólk 1l	95	97	103	103	109	119	119	95
Rjómi ½ lítri	307	311	318	350	364	485	485	307
Ab-mjólk 1l	186	195	199	207	220	249	249	186
Smjörvi	186	189	220	237	259	269	269	186
Rjómaostur 400 g	312	315	379	435		459	459	312
Engjaþykkni karamellu	90	93	103	115	123	129	129	90
Mozzarellaostur  rifinn 200 g	199	264	265	309	325	349	349	199
Brazzi eplasafi 1l		109	118	124		239	239	109
Hveiti Pilsbury best	369	379	389	439	514		514	369

Nú er ég milli steins og sleggju - mig langar að mótmæla spillingunni en veskið leyfir mér það varla...

p.s. er það ennþá takmark ríkisins að ná sér niður á Jóhannesi - eru ekki fjölmörg önnur mál sem þarf að skoða? Af hverju eru þau ekki sett í forgang og þessu leyft að bíða fram á nýja árið... Endalaus hringavitleysa - og allt í sama farinu. 

Kemur ekki á óvart

Athugasemdir

[Þórdís Bára Hannesdóttir, 20.12.2008 kl. 17:18]

verslaðu bara í Bónus með góðri samvisku.  Þeir hafa staðið sig vel og eru örugglega ekki verstu glæpamennirnir hér á landi.  Ég ætla að versla meira í Bónus en áður ef eitthvað.

[Rúnar Haukur Ingimarsson, 20.12.2008 kl. 17:43]

Væri ekki ráð að efna til söfnunar fyrir Baug, svo þeir sleppi við að borga sektina ?

[Haraldur Bjarnason, 20.12.2008 kl. 17:44]

Jóhannes í Bónus hefur án nokkurs efa stuðlað að mestu kjarabótum sem þjóðin hefur notið í gegnum tíðina. Miklu meiri kjarabótum en nokkurt verkalýðsfélag hefur áorkað. Svo er spurning hvort það er ekki nokk sama hvar við kaupum nauðsynjavörur. Samkaup og Nettó eiga rætur sínar að rekja til Framsóknarflokksins og þar er nú heldur betur slóð síðustu ár. Einkavinavæðing banka með Finn Ingólfsson og Halldór í forystu. Stutt síðan upplyst var um hvernig Gift, eigarhaldsfélag Samvinnutrygginga var misnotað í þágu þessa fólk. Allar þessar verslanir,sem eru í þessari könnun eru í eigu Baugs eða gamla Sambandsveldisins. Hvort strákpjakkurin hans Jóhannesar hefur farið of geist eða ekki, það má vel vera. Hins vegar hefur einhelti Davíðs á hendur þeim dregn verið með ólíkindum. Ég er sammála þér að kaupa þar sem ódýrast er hverju sinni.

[Haraldur Bjarnason, 20.12.2008 kl. 17:46]

..einelti...ekki helti, þótt það væri kannski réttara