Blessuð jólin

Þá er komið að kveðjustund. Fallega jólatréð á leið út á götu, skrautið ofan í kassa og aðventuljósin þurfa að bíða í ellefu mánuði eftir því að sjá dagsins ljós á ný. Þessu fylgir alltaf ákveðin sorg eða tregi, ég verð að viðurkenna það.

 

Hins vegar er ég ein af þeim sem ætla mér að leyfa hvítu ljósunum að loga aðeins lengur. Ég get ekki hugsað mér að slökkva í myrkasta skammdeginu. Mér finnst þetta gott átak. Jóladótið og aðventuljósið fer niður en hvítu seríurnar fá að lifa, aðeins lengur...og ég á nú nokkrar Sörur eftir til að maula í góðu tómi á kvöldin...við bjarmann af ljósunum  

Kveðja jólin á þrettánda

Athugasemdir

[Haraldur Bjarnason, 6.1.2009 kl. 20:13]

Eyrún ég ætla nú að geyma það til morguns að fara með þetta fallega blágrenitré mitt út. Ég er búinn að sjá að íslenskt blágreni heldur barrinu alveg og hrinur nánast ekkert af því. Þess vegna ætti að hætta að flytja inn danskan normannsþin eins og gert hefur verið.

[Eyrún Huld Haraldsdóttir, 6.1.2009 kl. 21:17]

Já sammála - okkar tré (Rauðgreni) stendur enn uppi og það vel - aðeins farið að falla af því en ekki stórlega. Við getum því gengið í kringum jólatréð a.m.k. einn dag í viðbót :)