Þá er ég ólögleg...

...síðast snjóaði hér norðan heiða í gær svo ég ætla ekki að rjúka til og skipta yfir á sumardekkin. Í ,,brekkubæ", eins og Akureyri, þar sem ekkert er sandað eða saltað er varla annað hægt en að keyra um á nöglum. Þetta hlýtur að fara eftir aðstæðum hverju sinni. Ég kom yfir Möðrudalsöræfi í fyrradag og þá hefði ekki verið gaman að vera naglalaus...ó nei.

Tími nagladekkjanna liðinn

Athugasemdir

[Haraldur Bjarnason, 15.4.2009 kl. 20:30]

Þessi reglugerð um nagladekk er greinilega saminn af einhverjum sem aka saltaðar götur höfuðborgarsvæðisins. Það er hins vegar þannig að bílar eru gjarnan notaðir til ferða á milli staða og því er ekki nóg að autt sé á suðvesturhorninu, þar sem yfirleitt vorar þremur vikum fyrr en fyrir norðan og austan. Ég gæti hæglega tekið vetrardekkin undan hér á Akranesi strax en ætli ég norður, t.d. í þessum mánuði eða fyrrihluta maí er ég viss um að þeir daga koma að full þörf er fyrir vetrardekkin. Í það minnsta á fjallvegum.