Sjáiði bara...

...þetta er ekkert mál; já ég klúðraði þessu, ég ber ábyrgð. Ég ætla að gera allt sem í mínu valdi stendur til að sjá til þess að svona lagað komi ekki fyrir aftur.

Eitthvað sem Obama hefur en ekki íslenskir stjórnmálamenn. Við lærum jú flest strax í leikskóla að segja fyrirgefðu, ég ætlaði ekki að gera þetta, sé eftir því og ætla aldrei að gera þetta aftur  Eitthvað hefur klikkað...

Obama: Ég klúðraði þessu

Galið í kreppunni...?

...ég er frekar efins þessa dagana og jafnvel kvíðin.

Ég er búin að fá inn í framhaldsnám í HÍ og rétt byrjuð í náminu, þarf að segja upp þessari fínu kennarastöðu hér fyrir norðan þar sem ég þarf að flytja í höfuðborgina (úr 120 m2 íbúð í 87 m2) því námið er ekki kennt í fjarnámi. Einhvern veginn finnst mér þetta allt saman svo galið eins og ástandið er. Átjan þúsund manns eru atvinnulausir og enn fleiri að missa vinnuna. 

...ætli maður komist aftur inn á vinnumarkaðinn...eða sitji kannski eftir með sárt ennið, þybbnara námslán, masterspróf og svangan maga...hmmm? Stórt er spurt...sem fyrri daginn.

Þorrablót sonarins

Marinó kemur glaður með víkingakórónu á höfði - ,,mamma það var þorrablót á leikskólanum"

Mamma: ,,frábært - og fékkstu þér hákarl?"

Marinó: ,,nei mamma ég borða ekki hákarl og ekki hval"

Mamma: ,,nú en fékkstu þér sviðasultu?"

Marinó: ,,nei, ég borða ekki heldur smiðasultu"

Mamma: ,,hmmm en hvað með hrútspunga?"

Marinó: ,,nei mamma, ég borða ekki rostunga!"

Þessar elskur - smiðasulta og rostungar...

Frost á Fróni...

Hefði ekki verið nær að þessir gæjar færu í afþíðingu?

Þeir voru freðnir fyrir, og rúmlega það.

Hreiðar Már nýkominn frá Suðurskautslandinu