Í upphafi skal endinn skoða

Brúðguminn er hin besta skemmtun, nema hvað endirinn var klaufalegur og ótrúverðugur...þeir hefðu betur átt að halda sig við upprunalegan endi Ivanovs...jafnvel þótt um gamanmynd hafi verið að ræða.

Brúðguminn með 14 tilnefningar

Tøkkirnar streyma inn úr Íslandi

Allan dagin í gjár streymaðu heilsanir inn á redaktiónina frá íslendingum, sum vilja takka fyri lánið, sum Føroyar hava boðið kreppurakta Íslandi. Og takkarkvøðurnar halda fram í dag.

 

Færeyingar taka vel eftir því hversu þakklátir við Íslendingar erum þeim, sem betur fer. Þeir eru fyrstir til að bjóða sig fram af nágrönnum okkar, nú er að sjá hvernig hinir bregðast við...

Fíflalæti

...við erum að gera okkur að fíflum...eða þeir, viðskiptamennirnir okkar. Þeim var nær að vera með puttana í öllu og alls staðar!

Starfsmenn Sterling reiðir

Mislifað

Það er mislifað í þessu þjóðfélagi.

Maðurinn er með næstum sjöföld mín laun...þ.e. eftir launalækkun!  Ég er háskólamenntuð og ber mikla ábyrgð í mínu starfi.

Bankastjórar nýju bankanna setja klárlega ný viðmið fyrir launareikninga ríkisins. Við fögnum ef þetta er það sem koma skal fyrir ríkisstarfsmenn

Bað um launalækkun

Hjúkk...

...ég sem var orðin skíthrædd um að Dr. Pepper myndi svíkja loforðið, hjúkk.

Dr. Pepper segist standa við gefin loforð

Flóð

 

Útsvar eru ágætir þættir. Sigmar og Þóra standa sig vel en öllum verður á í messunni, einhvern daginn.  Mín ágæta fyrrum nágrannakona Ólöf Ýrr var í liði Garðabæjar í kvöld. Í öllum æsingnum, sem oft vill verða í þessum þætti, helltist niður úr vatnsglasi og fossaði yfir Ólöfu. Hún biður, eins og eðlilegt er, um tusku. Leiknum  er haldið áfram smástund - svo kemur augnabliks þögn, sem Sigmar grípur á lofti og notar til að spyrja Ólöfu:

,,Ertu mjög blaut?" 

Vandræðaleg þögn... Fólkið leit hvert á annað... enn meiri vandræðaleg þögn - úpps. Við Andri bróðir lágum í hláturskasti í stofusófanum og földum andlitin undir koddum. Vandæðalegt var það, ó já.

Home sweet home

Egilsstaðir er klárlega staðurinn

Gat ekki lent í Keflavík

Frumskógartromman

Emilíana Torrini sendi frá sér plötuna Me and Armini ekki alls fyrir löngu. Mitt uppáhaldslag ber heitið Jungle drum. Það er eitthvað nýtt og spennandi við lagið, krafturinn er til staðar og það hrífur mann með sér í taktföstum trommuslætti.

Ég varð því mjög stolt fyrir framan imbann í kvöld, þessir fögru tónar hljómuðu undir lokaatriði vinsælasta sjónvarpsþáttar í heiminum í dag, Grey´s Anatomy. Áfram Emilíana

Snilldin ein

...ég hefði einmitt mætt með vopn kennarans - töflutússinn og kennaraprikið (sem ég reyndar á ekki til...). Mér finnst þetta ansi skemmtileg hugmynd og það verður gaman að sjá afraksturinn.

Breska heimsveldið hörfaði

Made in China

Mikið er nú leiðinlegt að versla ,,íslenskar" vörur merktar þessu víðförla ,,vörumerki" Made in China.

Nú er sífellt verið að tala um auðinn sem við eigum í íslenskri framleiðslu af ýmsu tagi. Hvers vegna flytja stór fyrirtæki, eins og 66 gráður norður, ekki starfsemi sína, alla vega hluta hennar, hingað til lands? Jú það er eflaust ódýrara að sauma fötin í Kína en af hverju ekki að sjá sóma sinn í að styðja íslenska framleiðslu, búa til ný störf og styrkja þjóðarbúið? 

Draumajakkin minn hvílir þessa dagana á öxlum hauslausrar gínu í verslun Sjóðklæðagerðarinnar. Í dag fékk ég heimsókn frá frænku sem er búsett í Noregi, og viti menn, jú hún klæddist þessum draumajakka í fagur appelsínugulum lit. Ég tímdi alls ekki að kaupa mér jakkann þar sem hann kostaði ,,litlar" 35 þúsund krónur... Hún hafði ákveðið að hún skyldi leyfa sér að kaupa jakkann, enda ekkert að því, hún jú komin frá Noregi og íslenskan krónan mjög hagstæð fyrir túrista þessa dagana plús tax free. 

 

Svo ég komi mér að efninu þá kíktum við frænkur í búðir á Glerártorgi í dag. Ég varð auðvitað að koma við í fyrrnefndri verslun og máta gripinn, draumajakkann. Hann var flottur, flottari en í gær en við tókum eftir því að hann var ekki verðmerktur. Konan í búðinni útskýrði fyrir okkur að í dag væri allsherjar verðhækkun í gangi í búðinni svo það þyrfi að verðmerkja allt upp á nýtt...úpps!

Þetta er vissulega ókosturinn við erlenda framleiðslu á annars ,,íslenskum" vörum. Í dag er markaðurinn svo óhagstæður að fyrirtæki verða að grípa til þessa ráðs. Almenningur á klárlega eftir að finna fyrir þessu á næstu mánuðum, og jólin nálgast...

Frænka mín spókaði sig hins vegar glöð og ánægð um miðbæ Akureyrar - í draumajakkanum sem kostaði 35 þúsund í gær en 42 þúsund í dag