Íslensk hönnun

Jólagjöfin í ár er íslensk hönnun - af augljósum ástæðum.

Ég hef mikinn áhuga á fallegum hlutum og dáist að fólki sem vinnur við það að láta drauma sína rætast og koma hugmyndum sínum á framfæri. Ég á nokkrar hugmyndir...og nokkra drauma sem vonandi fá að sjá dagsins ljós við tækifæri.

Ég læt fylgja með mynd af snögum sem mig dauðlangar í (hint, hint :). Það er hægt að finna marga fallega hluti í versluninni Sirku á Akureyri, meðal annars þessi flottu hreindýrahorn eftir Ingibjörgu H. Bjarnadóttur:

Gleðifréttir

Þetta eru sannarlega góðar fréttir. Þeir hafa vonandi áttað sig á því hve raunverulegur sparnaður af uppátækinu var lítill - það er nauðsynlegt að hafa svæðisútvörpin, þau þjappa landsbyggðinni saman.

Svæðissendingar halda áfram

Jólagjöfin í ár - Bíum bíum...

Agnes systir mín og hennar ektamaður, Dóri, voru að gefa út geisladiskinn Bíum bíum. Hér eru á ferðinni 24 vögguljóð, gömul og ný, sem Dóri útsetti fyrir spiladós og eru lögin spiluð sem slík. Diskurinn kostar 2000 krónur og fæst hjá þeim skötuhjúum. Einnig er hægt að nálgast gripinn á markaðnum (Egilsstöðum) eða fá hann sendan heim að dyrum hvar sem þið eruð stödd á landinu.

 

Diskurinn er framleiddur af þeim sjálfum og í heimabyggð. Hugmyndin kviknaði við fæðingu Eyvindar, sonar þeirra, því hann eins og mörg börn róast við söng spiladósarinnar. Það er einhver dulúð og ró sem kemur yfir mann þegar hlustað er á fallega, einfalda laglínu, spilaða á þennan hátt.

Kynningarmyndband má sjá hér: http://www.warenmusic.com/

Upplýsingar og pantanir: [e-mail] eða í síma 861-2450 

Íslenskt já takk! Njótið vel.

Desember

Loksins. Ég tek á móti jólamánuðinum með gleði og tilhlökkun. Eins og lítið barn og brosi við ljósaskreytingunum sem lífga svo sannarlega upp á drungalegt kreppuskammdegið. Kvíðinn og treginn hörfa undan hinum sanna og lifandi jólaanda.

 

 

Gleðilega aðventu - njótum hennar.