Hverju var mótmælt?

Kryddsíldinni? Áramótum? Sigmundi Erni? Tækjabúnaði Stöðvar tvö? Guðmundi og Snorra Steini?

Það er gott við getum glaðst saman á gamlársdag og stundað þroskuð og vel hugsuð mótmæli. Þetta er hreint og beint ofbeldi og að auki framin skemmdarverk á eigum annarra.

Þetta fólk (og ég veit að þetta er lítill hópur) má gjarnan fá að taka afleiðingum gjörða sinna. Þetta gekk of langt - skilar engu nema gremju og reiði.

En að öðru:

Gleðilegt ár - megi nýja árið verða fullt af nýjum tækifærum, styrkri samtöðu og gleði og friði í hjörtum...maður má alltaf vona...

Farið varlega. Áramótafaðmlag austan að landi.

Fólk slasað eftir mótmæli

Gleðilega hátíð ljóss og friðar

Megi nýja árið taka brosandi á móti okkur, fullt af nýjum tækifærum, gleði og friði.

 

Ljúffeng

Skatan í hádeginu var nokkuð ljúffeng, lyktin finnst mér verri... Pabbi sauð þetta eins og fínn maður í eldhúsinu heima hjá sér...og ilmurinn eftir því. Þetta er herramanns matur, í góðu hófi þó

Skatan hans pabba í pottinum:

Gleðilegan skötudag! 

Dagur kæstu skötunnar

Hulin höfuð

Ég hef velt því mikið fyrir mér síðustu daga hvers vegna nokkrir mótmælendur fara huldu höfði, með svarta og drungalega klúta fyrir andlitinu. Mér finnst þetta gera þá skuggalegri og þeir eru í raun líkari glæpamönnum en glæpamennirnir sjálfir... Þeir ættu heldur að taka mótmælanda Íslands til fyrirmyndar.

Ég læt vera að tjá mig mikið um bolinn sem drengurinn, einn mótmælandanna, var í þegar hann heimsótti forsetann - boðskapurinn var ekki beint þroskaður...þó málefnið sé það vissulega.

Hengilásar og forsetakaffi

Gleðileg ,,kreppu" jól

Mig langar að nota tækifærið og þakka skartgripaverslun í Reykjavík fyrir þennan glæsilega jólabækling sem ég fékk sendan, líkt og flestir landsmenn, í pósti nýlega. Ég hafði einmitt ætlað mér að gefa mínum heittelskaða Rolex úr fyrir 875.391 króna. Mamma fær svo gullhálsmenið sem kostar 97.320. Ég ætlaði mér klárlega að versla þarna fyrir jólin - því það er ekki hugurinn sem gildir heldur verðið...

Í þessum bæklingi var engin vara sem hinn ,,venjulegi" borgari myndi kaupa - sú ódýrasta í kringum 15 þúsund krónurnar - sú langódýrasta. Hlægilegt var það eða sorglegt, veit ekki hvort.

Bónus býður betur

Síðustu daga hef ég fengið áróðurspósta í tonnatali þess efnis að ég eigi að hunsa Bónus - ég hunsa þessa pósta. Mig munar um peningana. Vissulega búum við hér fyrir norðan við betra úrval, hér eru jú Hagkaup og Nettó. En á mínum heimaslóðum, Egilsstöðum, verður fólk að velja milli Kaupfélagsins og Bónus. Vissulega verslar maður á báðum stöðum en ég verð að viðurkenna að stórinnkaup geri ég í Bónus og versla svo það sem á vantar í KHB.

Á þessum síðustu og verstu tímum hefur maður ekki efni á því að útiloka þá sem bjóða lægsta verðið. Glæpamenn eða ekki glæpamenn, ég veit vel að Bónus er engin góðgerðastofnun en verðið talar sínu máli, hér er brot úr verðkönnun sem var gerð á Akureyri nýlega:

Vöruflokkar	Bónus	Nettó	Samkaup Úrval	Hagkaup	Samkaup Strax	10-11	Hæsta verð	Lægsta verð
Nýmjólk 1l	95	97	103	103	109	119	119	95
Rjómi ½ lítri	307	311	318	350	364	485	485	307
Ab-mjólk 1l	186	195	199	207	220	249	249	186
Smjörvi	186	189	220	237	259	269	269	186
Rjómaostur 400 g	312	315	379	435		459	459	312
Engjaþykkni karamellu	90	93	103	115	123	129	129	90
Mozzarellaostur  rifinn 200 g	199	264	265	309	325	349	349	199
Brazzi eplasafi 1l		109	118	124		239	239	109
Hveiti Pilsbury best	369	379	389	439	514		514	369

Nú er ég milli steins og sleggju - mig langar að mótmæla spillingunni en veskið leyfir mér það varla...

p.s. er það ennþá takmark ríkisins að ná sér niður á Jóhannesi - eru ekki fjölmörg önnur mál sem þarf að skoða? Af hverju eru þau ekki sett í forgang og þessu leyft að bíða fram á nýja árið... Endalaus hringavitleysa - og allt í sama farinu. 

Kemur ekki á óvart

Jólahrós

Það er ótrúlegt hvað hrós og elskulegheit geta gert fyrir mann. Það kom til mín góð kona í dag, hrósaði mér og færði mér jólaskreytingu. Þvílík gleði. Merkilegt, og notalegt, hvað manni hlýnar um hjartarætur.

Takk fyrir mig (þótt þú lesir örugglega aldrei blogg)

Þjóðarstoltið

...rauk upp við lestur þessarar greinar AA Gill hjá The Sunday Times.  

AA Gill kom hingað til lands og kynnti sér aðstæður. Það er gaman að lesa upplifun hans á ástandinu hér á Íslandi, og ekki síst á Íslendingum sjálfum. Lesið greinina, ég lofa að hún stappar í ykkur stálinu - hún er raunsæ en jafnframt full af gleði, von og bjartsýni...sem er komin frá okkur sjálfum.

 ,,Who the Icelandics are is one of the great enigmas of northern Europe. They speak an ancient, pure Scandinavian. They are horrifically hard-drinking, maudlin and prone to flights of dark nihilism and lengthy bitterness. They are taciturn fishermen and farmers; stoical, practical and moral. They have published more books and produced more chess grandmasters per head than anywhere else. They read more and write more, they sing and play instruments. Everyone here can change a tyre, strip an engine, ride a horse, sail a boat, dress a sheep and cure a salmon. They have grown through a hard Calvinism to a moral atheism while maintaining an open mind about elves."

Njótum aðventunnar - með sama æðruleysinu og hefur fylgt okkur í gegnum aldirnar...

Brown sparkaði í Íslendinga

Sukkaraskuldirnar

Skítt með tóbaks- og áfengisgjöld og aðra munaðarvöru. Hins vegar kemur eldsneytishækkun sér illa fyrir öll heimili í landinu. Eins má segja um bifreiðagjöldin. Þetta er röng hækkun, á röngum tíma og í kolvitlausu húsi.

Það er a.m.k. kristaltært núna að við, almenningur, eigum að greiða upp skuldir sukkaranna. Skál! Verði þeim að góðu og megi þeir njóta timburmannanna...lengi.

Áfengisgjald hækkað

Hypjaðu þig Kári!

Ég vil ekki hlýnandi veður í desember. Er því algjörlega mótfallin. Í desember á að vera frost, hörkufrost, snjókoma, stillt og gott veður. Svo má gjarnan koma einstaka hríð og bylur. Það er svo notalegt...

Stormur í kvöld og aftur á morgun