Vitur maður sagði...

...mér eitt sinn að maður ætti alls ekki að kenna fyrir þrítugt. Það væri hrein fásinna.

 

Þegar ég opnaði launaumslagið mitt í dag, sem í raun er rafrænt skjal í heimilisbankanum, hugsaði ég til þessa manns - aha hann vissi vel hvað hann var að segja. Þrátt fyrir krefjandi og mikla vinnu, BA próf í mínu fagi auk kennslufræðidiplómu hef ég síður en svo mannsæmandi laun.

Sem betur fer er starfið mitt skemmtilegt og hæfir mér vel. Að starfa í því margbreytilega umhverfi sem skólinn er eykur hjá manni vilja og þolinmæði til að halda ótrauður áfram þrátt fyrir allt...

Eitt að lokum: hvenær ætlar hann að hætta að snjóa?

Athugasemdir

[Haraldur Bjarnason, 1.10.2008 kl. 21:21]

Jamm þetta með launin á nú ekki bara við kennara. Þegar ég var ríkisstarfsmaður var ég á sambærilegum launum og grunnskólakennari með sömu starfsreynslu. Nú er ég ekki ríkisstarfmaður og kennarinn kominn langt fram úr mér. Það snjóar auðvitað alltaf fyrst á Brekkunni en nú er allt orðið hvítt hér í Þorpinu líka. - Hausthret sem gengur yfir - Svo kemur sunnanátt aftur. - Þetta er bara það sem gerst hefur síðustu ár.

[ÞJÓÐARSÁLIN, 1.10.2008 kl. 21:28]

Þessi maður var nú ekki svo vitur. Bestu ár kennarans eru um leið og hann útskrifast. Laun heimsins eru vanþakklæti, nema þau laun sem koma frá krökkunum